Poslovne vesti - Makedonija

Рокот за земјоделски субвенции оддложен до 20 септември

Земјоделците до 20 септември можат да аплицираат за субвенции. Рокот за пиднесување на барањата за земјоделски субвенции во сите сектори, Владата одлучила да се пролонгира до 20 септември.

За полесно добивање финансиска поддршка, по барање на земјоделците, како што соопшти денеска портпаролот Александар Ѓоргиев, донесени се уште две мерки.

"Земјоделците кои не добија субвенции лани, а поднесоа барања, годинава ќе добијат поддршка ако платат пашарина или водарина и ако аплицираат најдоцна до 31 октомври", појасни Ѓоргиев.

Согласно третата мерка, за 50 отсто се намалуваат количините кои треба да ги предадат производителите на домат, краставица и пиперка до 15 мај за да добијат дополнителна поддршка од 90.000 денари.

"Ова се трите одлуки кои цениме дека ќе бидат од исклучителна важност за земјоделците, ќе помогнат во реализација на нивните можности и ќе обезбедат подобри услови да ги добијат заслужените пари", напомена Ѓорѓиев.